Kva saker skal sendast til fylkeskommunen?

Fylkeskommunen har ansvar for å vurdere og gje fråsegn til tiltak på kulturmiljø som gjeld:

• automatisk freda kulturminne og kulturmiljø
• freda bygningar/bygningsmiljø og kulturminne. Eigarar må søke om dispensasjon til tiltak - informasjon ligg på denne sida.
• kulturmiljø og kulturlandskap av regional og nasjonal verdi

Saker skal sendast til post@telemarkfylke.no om ikkje anna er avtala. 

Saker som SKAL sendast til fylkeskommunen

Arealplanar

• Kommuneplanar, kommunedelplanar, områdereguleringsplanar og detaljreguleringsplanar: Varsel om oppstart av planarbeid og offentleg ettersyn av planforslag, samt vedteken plan.
• Konsekvensutgreiingar: Planprogram, melding med forslag til utgreiingsprogram, fastsett utgreiingsprogram og sjølve konsekvensutgreiinga.
• Dispensasjonssøknader i saker knytt til plan- og bygningslova. 

Landbrukssaker

• Søknader om nydyrkingstiltak (jf. forskrift om nydyrking).
• Søknader om landbruksvegar og skogsvegar (jf. forskrift om planlegging og godkjenning av landbruksveier).
• Planar om hogst med hogstmaskiner (jf. forskrift om berekraftig skogbruk). 
• Søknader om oppføring av nye driftsbygningar dersom det er kjente kulturminne ved eller i nærleiken av tiltaket.
• Søkander om drenering der det er kjende kulturminne på eller i direkte tilknytting til arealet som skal drenerast.

Energi- og vassdragssaker

• Søknader om kraftutbygging: vindkraft, vasskraftverk, solcellepark, vindmøllepark, kraftliner, trafostasjonar mm. 

Tiltak og automatisk frede kulturminne

• Byggesaker og andre tiltak som gjeld automatisk freda kulturminne, det vil seie arkeologiske kulturminne eldre enn 1537, og/eller der det er potensial for ytterlegare funn (kulturminneloven § 4).
• Alle tiltak i mellomalderbyen Skien som medfører inngrep i bakken.
• Alle tiltak på kyrkjegardar og gravminne frå mellomalder (jf. rundskriv Q-06/2020). 
• Førespurnader om registrering av automatisk freda kulturminne.
• Skjøtselsplanar og tilretteleggingsprosjekt for automatisk freda kulturminne.
• Tiltak i umiddelbar nærleik til freda bygningar.
• Tiltak og inngrep i sjø og vassdrag.
• Søknader om fiberutbygging.

Tiltak knytt til freda bygg, og andre byggverk, anlegg og områder av nasjonal eller regional verdi

• Tiltak på vedtaksfreda kulturminne og kulturmiljø (kulturminneloven §§ 15, 19, 20).
• Tiltak på forskriftsfreda byggverk og anlegg (kulturminneloven § 22 a).
• Tiltak på forskriftsfreda kulturminne i statens eige.
• Byggesaker og andre tiltak som gjeld automatisk freda ståande byggverk frå perioden 1537-1650 (kulturminneloven § 4). Med unntak av kyrkjer eldre enn 1650, som skal handsamast av Riksantikvaren.
• Tiltak på statens listeførte bygningar og kulturminne prioritert i sektorvise landsverneplanar. Medrekna er prestegarder og fyr. Tiltak på andre kulturminne i statens eige.

Sjå Kirkesøk, Askeladden eller Kulturminnesøk for meir informasjon. 

Kulturmiljø og landskap

• Søknader og meldingar om tiltak innanfor kulturmiljø og kulturlandskap som er vurdert å vere av nasjonal og/eller regional verdi. Døme på dette er nye driftsbygningar, masseuttak og andre større tiltak i landbruket som er unnateke plankrav etter plan- og bygningslova. 
• Arealplanar og tiltak innan landskapsvernområde og naturreservat verna etter naturvernlova, for å avklare tilhøvet til automatisk freda kulturminne, andre kulturminne og kulturlandskap. 

Saker som IKKJE SKAL sendast til fylkeskommunen

• Byggesaker på bygg eldre enn 1850, jamfør kulturminnelova § 25 (sakane blir ikkje svart ut av oss).  
• Byggesaker etter plan- og bygningslova på verneverdige bygg, inkludert nasjonale kulturmiljø.
• Bygge- og rivesaker på bygningar av lokal verdi som er yngre enn 1850. 
• Førespurnader frå private utbyggarar og grunneigarar i samband med rullering av arealdelen i kommuneplanen. Slike førespurnader skal gå til kommunen.
• Førespurnader frå eigedomsmeklarar, seljarar og kjøparar om planstatus og vernestatus i samband med kjøp og sal av eigedomar.
• Lokale tilretteleggingsprosjekt og skjøtselsplanar (dette gjeld ikkje for arkeologiske kulturminne, der fylkeskommunen er delegert mynde i samsvar med kulturminnelova).

Saker som skal sendast direkte til Riksantikvaren

• Tiltak på og i kyrkjer bygd før 1650 (automatisk freda, vernekategori 1), alle kyrkjer bygd mellom 1650 og 1850 (vernekategori 2). Desse sakane sendast på e-post til postmottak@ra.no. Sjå elles Riksantikvarens heimeside for meir informasjon. 

Saker som skal sendast direkte til Norsk Maritimt Museum

• Tiltak i 100-meterbeltet i strandsona og tiltak som medfører inngrep i hav-, innsjø-og/eller elvebotn, skal sendast direkte til Norsk Maritimt Museum. 

Søknad om tillatelse til inngrep i kulturminner i vatn, sendast likevel til fylkeskommunen. 

Krav til dokumentasjon i oversendinga til fylkeskommunen

Det er viktig at saker er så godt opplyste at fylkeskommunen kan gjere ei effektiv og god sakshandsaming. Dersom saka ikkje er tilstrekkeleg opplyst, blir ho sendt i retur.

I reguleringsplanar bør det allereie i varsel om oppstart vere med følgjanade opplysningar: 

• Tydelege kart med stadnamn, gatenamn, gardsnamn, gards- og bruksnummer.
• Status i kommuneplanen og eventuell vernestatus.
• Føremålet med planen.
• Utgreiing av planområdet med landskap, eksisterande busetnad og kjende kulturminne.
• Førebels vurdering frå kommunen.
• Namn på tiltakshavar og sakshandsamar i kommunen.
• Digital kartfil i sosi- eller shape-format som viser planavgrensinga.

Andre tiltak: 

Søknadar knytt til dispensasjon, landbruksvegar, nydyrking m.m. må alltid ha med gardsnamn, gards- og bruksnummer og kart.