Etter sisteinntaket 5. august har 5859 elevar (5933 i fjor) no fått tilbod om skuleplass. 85 prosent av søkjarane på Vg1 har fått innfridd førsteønsket sitt. I fjor var denne andelen 81 prosent. For den totale søkjarmassen på alle trinn har 87 prosent fått innvilga førsteønsket sitt (86 prosent i fjor).
–Vi har auka talet på klassar på yrkesfag, samtidig som klassane er heilt fylte opp. Det har bidrege til at fleire har fått oppfylt ønska sine, seier fylkessjef for utdanning, tannhelse og folkehelse, Helge Galdal.
Fleire søkjarar til yrkesfag
Andelen elevar som startar på yrkesfagleg program i haust er, som i fjor, høg. Vi har oppretta ein ekstra klasse på Skogmo vgs i elektrofag Vg1 og ein ekstra klasse i byggfag Vg 1 på Nome vgs.
På Vg1 er det no berre nokre få ledige plassar på studieførebuande program på enkelte skular.
Flest elevar
Skien vidaregåande er den skulen med flest elevar totalt, etterfølgd av Skogmo og Porsgrunn. Sistnemnde har ein nedgang i talet på elevar. Det kjem av at påbygging til generell studiekompetanse er flytta til Hjalmar Johansen vgs dette skuleåret. Skulestart er måndag 17. august. Informasjon om tidspunkt finst på nettsidene til skulane.
–Vi gler oss til å ta imot elevane måndag. Det er ein av årets hyggelegaste dagar på jobb, seier Galdal.
Har du spørsmål?
Kontakt: Helge Galdal, fylkessjef, utdanning, folkehelse og talhelse, mob.: 975 42 688
Ben Ståle Leirvåg, seksjonsleiar kompetanse og integrering, mob.: 480 04 048
Marianne Follaug, fagkoordinator inntak, mob.: 922 43 677