«Kulturdialogen 2024 – kunsten å tenkje saman» er den første i sitt slag i nye Telemark fylke. Her skal gode idear og tankar om kulturlivet i Telemark blir delt og diskutert.
– Vi inviterer breitt, og vil at så mange som mogleg innan kulturfeltet skal delta, seier Maja Foss Five, fylkeskultursjef i Telemark.
Ho er vert for dialogen på Ibsenhuset i Skien 19. november, saman med Hilde Alice Vågslid, hovudutvalsleiar for kultur, reiseliv og frivilligheit.
Kulturarena nr. 1
Kulturaktørar, offentlege verksemder, politikarar og kulturinteresserte innbyggjarar bør kome, for her skal dei gode dialogane om kultur skje.
– Dette er staden for alle som arbeider med, eller er interesserte i kultur, kulturpolitikk, samfunnsutvikling. Ja, dette er staden for alle som er opptatt av kulturfylket vårt. Vi har som mål at dette skal blir den prioriterte møteplassen for dei som er engasjerte i kultur, både dei som har det som jobb, avgjerdstakarar i kommunar og i fylke og andre i kulturfeltet, seier Vågslid.
Hald av dato – program kjem!
– Programmet er ikkje spikra enno, men vi lovar gode foredrag, erfaringsutveksling, panelsamtalar og sjølvsagt kulturelt påfyll, seier kultursjefen.
Kulturdialogen varer heile dagen, frå kl. 10 til 15.30, og det vankar god lunsj til deltakarane.
Hald av 19. november, program med påmelding kjem snart!